AF268: 55v

bir uġurda hucūma ve cenge mecāl olmayub ʿāqibet küffāruñ ṭopları ve żarbuzanları ėrişüb bir uġurdan ṭoplara āteş vėrüb ve niçe biñ // tüfeng boşatdurub melāʿīnüñ var u eri piyāde vü süvārı bir ẓulumāt gibi çalqanub vādīden ʿubūra iqdām eyledükde // Rūm ėli ʿaskeri çıplaq olub ve serdār yanında tüfeng atar bir yeñiçeri bulunmamaġ‑ile aʿdā ġanīmeti furṣat bulub ṣuya gecüp // muḥārebe vü muqāteleye mübāşeret olunduqda aḫşam ėrişüb qara gölde [?] baṣmaġ‑ile dost dostdan ve düşmen düşmenden ḫavfe düşüb // ʿaskerdür biri birinden ayrılub ʿasker‑i islām ile serdār aʿdādan ṣaḥīḥ ḫaber alub ordu‑yi hümāyūna ʿavdet ü ʿarż‑i ḥāli // mürācaʿat ėdüb ve küffār‑i ḥāksār [!] menzil‑i mezbūrda iqāmete qonub bu vechle ḥareket‑i bī‑bereketleri ve infāq‑i pür‑nifāqları // ve vāqiʿ olan hücūm u muqāteleleri ve muqābele eylemege niyyet‑i mūceb‑i hezīmetleri [?] muqarrer olduġı ve üç mīl menzil bir ordu‑yi // hümāyūna qarīb qonduqları pāye‑i serīr‑i aʿlāya ʿarż olunduqda Rūm ėli begler begisi Velī Paşa maʿzūl olub Rūm ėli // eyāletin gėrü Ḥasan Paşa ḥażretlerine erzānī buyurılub ve Anaṭolı ʿaskeri ṣaġ qolda durmaq lāzım olmaġın Meḥemmed Paşa // ḥażretleri muḥāfaẓa ḫidmetinden refʿ olınub Egri begler begilikde Budūndan maʿzūl olan Sinān Paşaya ṣadaqa olınub // devletlü ve şevketlü pādişāh‑i Cem‑cāh ḥażretleri bir ān tavaqquf u ārāma rıżā‑yi hümāyūnları olmayub ẕāt‑i ḥüccete ṣıfāt // u şecāʿat‑şiʿārlarında olan ʿırq‑i ġayret‑i ḥāqānī [!] ve baḥr‑i [?] ḥamīyet‑i ṣāḥib‑qırānı cūşa gelüb biẕẕāt küffār‑i ḥāksāruñ [!] ṭābūr‑i maqhūrları // üzerine devlet ü iqbāl ʿaẓamet ü iclālle ʿazīmet‑i nuṣret‑maqrūnların muqarrer ėdüb ol gün qalʿenüñ quṣūrın tekmīl ėtdürüb // ėrtesi günki şehr‑i rebīʿü l‑evvelinüñ ikinci güni ki yevmü l‑ḥamsīñdür [!] [?] ʿumūmen ʿasker‑i islām‑i ẓafer‑encām ile Egriden qalqılub sālifü ẕ‑ẕikr // Caʿfer Paşa qonduġı menzile nüzūl buyurub üçinci güni ki rūz‑i cumʿadur cümle begler begiler qollu [?] qollarından illerüye yüriyüb // ve seʿādetlü pādişāh‑i ʿālem‑penāh ḥażretleri ʿumūmen qapu qulı ile ʿale t‑tertīb alaylar [?] baġlayub ve aġrıq [?] gėrüye alu qonılub maqdem‑i ceyş olan // ġuzāt‑i müslimīn seḥerden varub maʿreke maḥallin gördüklerinde küffār‑i ḥāksār [!] ṭābūr‑i maqhūrın muqaddemen geldügi Şāyā [?] ṣaḥrāsınuñ intihāsında // dāmen‑i kūhda qurub ve ʿasākir żalālde?/ʿasākir‑i żalālet reh‑ber ve hezīmet es̱erin ve ṭop ve żarbuzanların muqaddemen Caʿfer Paşa muḥārebe eyledükleri // geçid başlarına getürüb ve bi ṭ‑ṭūl [?] vādīnüñ [?] öte yaqasında ṭoplar qurub ve piyāde ve süvārīnüñ qat ender qat alayların baġlayub // muntaẓır‑i cüyūş deryā‑ḫurūş olub vaqt‑i żuḥāda süṭūra ʿaẓamet‑i şehriyārī ve şevket‑i ʿizzet‑i tāc‑dārī ile ʿasākir‑i dīn‑i mübīn // çoq çoq muqābelelerinde ẓāhir olub yemīn ü yesārdan ṣaflar arasına ve meydān‑i kār‑zārda çarqacılar alayları // peyrāste olub ve aʿdānuñ ṭoplarına muqābil cā‑be‑cā ṭoplar qurılub ve seʿādetlü pādişāh‑i ṣāḥib‑qırān qalbgāh‑i ʿaskerde // [...] ʿünvān‑i qahramānī üzre qarār ėdüb ve cümle aġrıq [?] qafada [?] qalʿe mis̱āl durub meydān darluq pīşrev‑i sipeh‑sālārluq // erine [?] meʾmūr olub dāmen‑i der‑miyān ėden [...] ü l‑millet ü d‑dīn vezīr‑i kār‑dān Ciġala‑zāde Sinān Paşa naṣre llāhu [?] taʿālā // ilā yevmü l‑cezā ḥażretleri maqdem‑i ceyş olan cüyūş‑i merdān‑i ceng‑āzmā ile geçid olan maḥalle aʿdāya muqābil varub // vādī aşurı ṭob ve tüfeng cenge āheng eyledüklerinde küffār‑i ḫāksārdan peykerlü bayraqlar ile niçe yüz serden‑geçme tüfeng‑endāz